Qussaannaq pilaatalik

Qallunaatut atia: Båndet tangspræl
Latiinerisut atia: Pholis fasciata
Tuluttut atia: Banded gunnel
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Qussaannakkut

Qussaannaq pilaatalik uumasuuvoq Kalaallit Nunaata kitaata kujataanit avannamut Upernavik tikillugu. Ulittarnerup tinittarnerullu killinganni 30-40 meterit tikillugit itissusilimmi uumasuuvoq toqqoqqasarluni, suani toqqortarlugit uillut qaleruaanni imaqanngitsuni, immap naasuisa akornanni, ujaqqat quppaanni ujaqqalluunniit ataanni.

Ilisarnaatai
Timaa takisuujuvoq takisuuumik qimerlummini avaleraasaqarluni itimilu kingornani anguuteqarluni aammalu naamigut mikisuaqqanik anguuteqarluni. 9-12-nik qaamasunik kajuartunillu qimerlummini avaleraasami tunngarnani milaqarpoq, niaqqumi ataaniit siutimi tunuanut qaqortortaqarluni. Sanerai aappaluttuupput kajuartunik milaqarluni.

Nerisai
Nerisarai sangujaat, kinguillu aamma peqqukujuit uumasuaqqallu.

Båndet tangspræl - Pholis fasciata - Banded gunnel
Paasissutissat
  • Uumaffii: Imaq
  • Takissusia: 30 cm tikillugu
Nalunngiliuk?
Qussaannaq pilaatalik aamma uumasuuvoq Canadap kangisissuani Manerassuullu avannarpasissuani.