Qallunaatut atia: Blåhvilling; Sortmund
Latiinerisut atia: Micromesistius poutassou
Tuluttut atia: Blue Whiting
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Saarullernaq Kalaallit Nunaata kujasissuani nalinginnaavoq ataatsimoortorsuakkuutaarluni 3000 meterit tikillugit itissusilimmiuulluni, amerlanertigulli 100-400 meterinik itissusilimmiittarluni. Nalinginnaavoq Atlantikup avannaani kangiani Svalbardimiit Marokko tikillugu, Akullersuup kiterpasissuani Europallu sineriai sinerlugit.

Ilisarnaatai
Takisuujuvoq amitsukujooq qillertoq tunguusangajammik qillernilik. Allerui siusissuupput, pingasunik qimerlummigut avaleraasaqarpoq, itimi kingornagut avaleraasaa siulleq takisuujuvoq, saneqqamigut titarniisaa taartuulluni. Maseqarfia qarngalu aamma qernertuupput, taamaattumik qallunaatut taaneqartarluni sortmund.

Nerisai
Nerisarai uumasuaqqat tappiorannartut, amikut aalisagaaqqallu.

Blåhvilling (Sortmund) - Micromesistius poutassou - Blue Whiting
Paasissutissat
  • Uumaffii: Imaq
  • Takissusia: 50 cm tikillugu
  • Oqimaassusia: 2 kg tikillugu
  • Suffisarpoq: marsi-maaji
  • Kinguaassiorsinnaanngortarpoq: 1-2-nik ukioqaleraangami
  • Sivisunerpaamik uumasarpoq: ukiut 20
Nalunngiliuk?
Saarullernaq angalaartarpoq ullup unnuallu ingerlaneranni immat assigiinngitsunik kissassusillit akornanni. Ullukkut immap naqqaniinnerusarpoq immaniluunniit atsinnerusuniittarluni, unnuakkulli immap qaavanut qaninnerusuniittarluni.