Qallunaatut atia: Almindelig torsk
Latiinerisut atia: Gadus morhua
Tuluttut atia: Atlantic Cod; Cod
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Saarullik uumasuuvoq kangerlunni, sinerissami imaluunniit ikkannersuarni Kitaani Diskop kujataani Tunumilu Ammassallup kujataani. 600 meterit tikillugit itissusilimmi immap natingajaani ikerinnarmiluunniit ataatsimoortukkuutaartarput. Saarullik pisariumaneqartaqaaq nerisassaalluni pingaarutilik.

Ilisarnaatai
Tallumigut umiisaqarpoq, qimerlummigut pingasunik avaleraasaqarluni itimilu kingornagut marlunnik anguuteqarluni. Avatangiisai apeqqutaallutik qalipaataa assigiinngiiaartuuvoq, nalinginnaasumilli taartunik milaqarpoq, qaamasumik saneqqamigut titarneqarluni naavi qaqornerullutik. Qania angisuujuvoq kiguserfia qulleq anillangasuulluni.

Nerisai
Nerisarai aalisakkat, peqqukujuit immallu qullugiai, umiisani iluaqutigalugu immap naqqani nassaarisakkani.

Almindelig torsk - Gadus morhua - Atlantic Cod; Cod
Paasissutissat
  • Uumaffii: Imaq
  • Takissusia: 150 cm tikillugu
  • Inuunini tamaat alliartortarpoq
  • Oqimaassusia: 50 kg tikillugu
  • Suai: 500.000-9.000.000
  • Suffisarpoq: januaari-apriili
  • Kinguaassiorsinnaalersarpoq 2-12-nik ukioqaleraangami
Nalunngiliuk?
Saarulleqatigiikkuutaat amerlanerit januaari-apriilimi kinguaassiortarput 4-6 gradinik kissassusilimmi. Tamanna pisarpoq angutivissap arnavissallu ikerinnarmi naatik imminnut attuullugit angutiviaq immutserisoq arnaviaq suamminik aniatitsilluni. 2007-mili Tunup avataani ikkannersuarni saarulliit suffisalersimapput.Taamaalilluni neriunarpoq ukiorpaalussuit saarulliit tammarsimasimariarlutik amerliartoqqilernissaat.