Qallunaatut atia: Sej
Latiinerisut atia: Pollachius virens
Tuluttut atia: Polloc; Pollack; Saithe
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Saarulliusaat siammarsimapput Canadap eqqaani, Kalaallit Nunaata kujasissuani Europap avannaani kitaani Svalbardimiit, Islandimiit Norgemiillu kujammut Spaniap avannaa tikillugu. 250 meterit tikillugit itissusilimmi ataatsimoortorsuakkuutaartarput.

Ilisarnaatai
Ilisarnaatigaa saneqqamigut titarnini narlusooq qaqortoq. Qillertuuvoq naavi qasertoq qaamasuunngikkunik qaqungajattuullutik, qimerlua tungujortoq qorsorpaluttoq imaluunniit qasertoq tungujungajattuulluni. Allerui siusissuupput inersimasorlu umiisaqanngilaq.

Nerisai
Ataatsimoortorsuakkuutaarlutik nerisassarsiortarput, aammali nerisarisarlugit aalisakkat piaraat, amikut peqquaqqallu tappiorannartut, masimmigut imertaat aniatittarlugu.

Sej - Pollachius virens - Polloc; Pollack; Saithe
Paasissutissat
  • Uumaffii: Imaq
  • Takissusia: 130 cm tikillugu
  • Oqimaassusia: 17-35 kg tikillugit
  • Suai: ca. 3.000.000-4.000.000
  • Suffisarpoq: februaari-apriili
  • Kinguaassiorsinnaalersarpoq 4-5-nik ukioqaleraangami
  • Sivisunerpaamik uumasarpoq: ukiut 25-30
Nalunngiliuk?
Saarulliusaaq ikerinnarmi suffisarpoq, amerlanertigut imaani itisuumi. Suai piaraalu imaani sarfaatiterujooreeraangamik piarai immap naqqanut appartertarput sinerissallu qanittuanukartarlutik, ukiullu siulliit 2-3 tamaaniittarlutik.