Qallunaatut atia: Plettet langebarn
Latiinerisut atia: Leptoclinus maculatus
Tuluttut atia: Daubed Shanny
Sorlernut ilaava: Aalisakkat
Aalisagaqatai: Kapinartunik avaleraasallit
Ilaqutai: Buskhoveder

Saviup puua Kalaallit Nunaata kitaani avannamut Qaanaaq tikillugu Tunullu kujasissuani avannamut Ittoqqortoormiit tikillugit uumasuuvoq. 15-400 meterit tikillugit itissusilimmi aqitsumik natilimmiuuvoq.

Ilisarnaatai
Takisuujuvoq, amitsukujooq qasertoq sungarpaluttoq angeqqatigiiaanngitsunik milalik mikisunillu tattalik. Paperuata nuua kippakuusaavoq, qimerluani avaleraasaa takisuujulluni, naamigut avalerai mikisuullutik. Qutummigut avaleraasai angisuujupput nuuisa ataatungaat imminnut atanngitsut.

Nerisai
Nerisarai peqquit, immap qullugiai allallu immap natermiut, immap naqqa atuarlugu ingerlagaangami avaleraasaminik nassaarisakkani.

Plettet langebarn - Leptoclinus maculatus - Daubed Shanny
Paasissutissat
  • Uumaffii: Imaq
  • Takissusia: 20 cm tikillugu
  • Suai: 1000 tikillugit
  • Suffisarpoq: ukiukkut
Nalunngiliuk?
Pilaatalik milakulaaq aamma uumasuuvoq Norgep kimmut sineriaa sinerlugu Svalbard Barentshavilu tikillugit, Islandip eqqaani Amerika Avannarliup avannamut kangimut sineriaani Manerassuullu avannarpasissuani.