Suluppaagaq

Qallunaatut atia: Stor rødfisk
Latiinerisut atia: Sebastes marinus
Tuluttut atia: Ocean Perch
Sorlernut ilaava: Aalisakkat
Aalisagaqatai: Kanassut
Ilaqutai: Suluppaakkakkut

Suluppaagaq avannarpasissormiuuvoq Kalaallit Nunaata kitaatani avannamut Disko tikillugu Tunullu kujataani Ammassalik tikillugu. 100-1.000 meterit tikillugit itissusilimmi ikerinnarsiortuullunilu immap naqqanut qanittumiittarpoq, nerisassarsiorluni ullup unnuallu ingerlaneranni immap ikerani ammut qummullu angalaartuulluni. Nerisassaavoq mamartoq.

Ilisarnaatai
Angisuumik qaneqarpoq, allerui siusissuullutik, angisuunik iseqarpoq masimmi ammarnisigut tallimanik kapinartoqarluni, ilaat marluk ammut sammisut sanimukannerlu sammisut. Masimmi ammarnatigut taartumik milaqarpoq, qimerlummigut avaleraasaa pingasunik kapinartortaqarluni arfineq-pingasunillu qerattaqqutilinnik avaleraasaqarluni. Aatsaat 15-20 cm-inik takissuseqaleraangami aappalaartumik qalipaatinittarpoq.

Nerisai
Nerisarai aalisakkat mikinerusut, aalisakkat piaraat peqqukujuillu.

Stor rødAalisakkat - Sebastes marinus - Ocean Perch
Paasissutissat
  • Uumaffii: Imaq
  • Takissusia: 100 cm tikillugu
  • Oqimaassusia: 15 kg tikillugu
  • Nuleerisarpoq: aasap naalernerani-ukiakkut
  • Piarai: 50.000-350.000
  • Kinguaassiorsinnaalersarpoq 10-12-nik ukioqaleraangami
  • Sivisunerpaamik uumasarpoq: ukiut 60 sinnerlugit
Nalunngiliuk?
Nuleereeraangamik arnavissat ataatsimoortorsuanngorlutik ingerlaalersarput Norgep kimmut sineriaani avannarpasissumi, Danmarksstrædip kujasissuani New Foundlandillu eqqaani suffisarfimminnukaallutik. Upernaakkut sapaatip-akunnerisa 1-2 ingerlaneranni suluppaagaaqqanik 350.000 tikillugit amerlassusilinnik piarartaartarput.