Qallunaatut atia: Kortstrålet arktisk havkvabbe
Latiinerisut atia: Gaidropsarus argentatus
Tuluttut atia: Arctic Rockling, Silver Rockling
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Suluppaagarnaq issittormioq issinnginnerusormiuuvoq, Tunumi Ammassalimmiit Kitaani Upernavik tikillugu aalisagaalluni. 150-2000 meterinik itissusilimmiuuvoq aqitsumik natilimmi 0 grader missiliorlugit kissassusilimmi.

Ilisarnaatai
Suluppaagarnaq marlunnik qimerlumigut avaleraasaqarpoq.Tunorleq takisoorujussuuvoq, siorlerli naatsunnguulluni ineriartorsimarpiaranilu. Siorliup saanertaa saarleq ilaminit tannerujussuuvoq. Umiisani maluginiutinilu marluk aamma ilisarnaatigai. Aalisagaq aappaluttoq kajuartuuvoq, tunua taarnerulluni, naavi aappaluttoq qaamasuullutik avaleraasai aappalungusersuullutik.

Nerisai
Nerisarai peqqukkut, allat immap natermiut aalisakkallu.

Kortstrålet arktisk havkvabbe - Gaidropsarus argentatus - Arctic Rockling, Silver Rockling
Paasissutissat
  • Uumaffii: Imaq
  • Takissusia: 40 cm tikillugu
  • Suffisarpoq: upernaakkut-aasakkut
Nalunngiliuk?
Tuluttut ateqarpoq “Silver Rockling” latiinerisullu “argentatus”, tamatumunnga pissutaavoq piaraasa sølvitut qaqortuunerat.