Takilimaaq tungujuartoq

Qallunaatut atia: Byrkelange
Latiinerisut atia: Molva dypterygia
Tuluttut atia: Blue Ling
Sorlernut ilaava: Aalisakkat
Aalisagaqatai: Saarullikkut
Ilaqutai: Saarullikkut kvabbit

Takilimaaq tungujuartoq Tunup kujasissuata avataani Danmarksstrædellu kujasissuani uumasuuvoq. Immap naqqani aqitsormiuuvoq 150-1500 meterinik itissusilimmi, Irlandip Islandillu akornanni immami 600-1000 meterinik itissusilimmi suffisarluni. Piaraat ukioq siulleq ikerinnarmiittarput.

Ilisarnaatai
Paperuata kangia amitsunnguuvoq, tallumigut naatsunnguamik umiisaqarluni. Qimerlummigut avaleraasaa siulleq naatsunnguuvoq tunorleq takisuujulluni. Qalipaataa assigiinngiiaartuuvoq, taarnerullunili. Naavi qasertoq tungujupalittuummata aamma qallunaatut taaneqartarpoq blålange.

Nerisai
Nerisarai aalisakkat, peqquit allallu immap natermiut.

Byrkelange - Molva dypterygia - Blue Ling
Paasissutissat
  • Uumaffii: Imaq
  • Takissusia: 150 cm tikillugu
  • Oqimaassusia: 30 kg tikillugu
  • Suffisarpoq: apriili-maaji
  • Kinguaassiorsinnaalersarpoq 9-11-nik ukioqaleraangami 75-85 cm tikillugit takissuseqarluni
  • Sivisunerpaamik uumasarpoq: ukiut 20 miss.
Nalunngiliuk?
Takilimaaq tungujuartoq itisoormiuugami nerpia mamaraluaqisoq nerisassatut pingaaruteqartorujussuunngilaq.