Qallunaatut atia: Almindelig brosme
Latiinerisut atia: Brosme brosme
Tuluttut atia: Cusk
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Tinguttooq Kalaallit Nunaata kitaani Uummannap/Upernaviup aammalu Tunumi Ammassallup kujataani uumasuuvoq. Immap naqqani ujaralimmi assigiinngitsumilluunniit natilimmi 100-1000 meterit tikillugit itissusilimmiuuvoq, nalinginnaanerullunili immami itisuumi sivinganerni kangerlunniluunniit.

Ilisarnaatai
Qaserujuttuuvoq imaluunniit kajortuulluni naavi qaamasuullutik mikisunik tattaqarluni. Avaleraasai avalliit taartuupput qaqortunik sinillit. Qimerluani avaleraasaa itiatalu kingornani avaleraa paperuanut ataannarput. Anngajaamik umiisaqarpoq.

Nerisai
Nerisarai peqquit, uillut, maniilakulattumik amillit aalisakkallu immap natermiut.

Almindelig brosme - Brosme brosme - Cusk
Paasissutissat
  • Uumaffii: Imaq
  • Takissusia: nalinginnaasumik 100 cm tikillugu
  • Oqimaassusia: 15 kg miss. tikillugu
  • Suai: 2-3 millionit
  • Suffisarpoq: apriili-aggusti
  • Kinguaassiorsinnaalersarpoq: 6-10-nik ukioqaleraangami
  • Sivisunerpaamik uumasarpoq: ukiut 40 miss.
Nalunngiliuk?
Tinguttooq nerisassaavoq pitsak pingaaruteqartorlu, kinertumik qaqortumik nerpilik. Nalinginnaasumik ningittakkanik pisarineqartarput, nerpia taamaaliinnarlugu, qeritillugu tarajorlugulu tunineqartarluni. Norgemi ukiumut 30.000 tonsit tikillugit pisarineqartarput.