Qallunaatut atia: Fjordtorsk (Uvak)
Latiinerisut atia: Gadus ogac
Tuluttut atia: Greenland Cod; Uvak
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Uugaq Kalaallit Nunaata kitaani avannamut Upernavik tikillugu nalinginnaavoq kangerlunni, sinerissami ikkannersuarnilu 400 meterit tikillugit itissusilinni. Kalaallit Nunaata kitaata kujammut sineriaata saniatigut Canadap issittortaani, Baffin Bugtimi Davisstrædemilu aamma uumasuuvoq.

Ilisarnaatai
Uukkap saarullik nalinginnaasoq assigaa, isaali annerupput, niaqua silinnerulluni, paperuata kangia aminnerulluni, saneqqamigut taartumik titarniisaqarluni aammalu silinnerusumik tannerusumillu umiisaqarluni. Tamatuma saniatigut uugaq kajortunik qernaluttunilluunniit milaqarpoq naavi qaamasuullutik.

Nerisai
Uukkap nerisarai aalisakkat allat, aalisakkat piarai aammalu immap qullugiai, peqquit, qituttullit amikullu.

Fjordtorsk (Uvak) - Gadus ogac - Greenland Cod; Uvak
Paasissutissat
  • Uumaffii: Imaq
  • Takissusia: 65 cm tikillugu
  • Oqimaassusia: 7 kg tikillugu
  • Suffisarpoq: februaari-maaji
  • Kinguaassiorsinnaalersarpoq 3-4-nik ukioqaleraangami
  • Sivisunerpaamik uumasarpoq: ukiut 11
Nalunngiliuk?
Nalitsinni uukkat Kalaallit Nunaanni amerlasoorsuullutik nalinginnaapput, immami nillertormiuullutik.Tamatumunnga pissutaasinnaavoq saarulliit nalinginnaasut ikileriarujussuarsimanerat 1920-kkunniit 1970-ikkunnut silaannaap kiannerulernerata kingunerisaanik.