Qallunaatut atia: Spækhugger
Latiinerisut atia: Orcinus orca
Tuluttut atia: Killer Whale; Orca;
Sorlernut ilaava: Miluumasut
Uumasoqatai: Arferit
Ilaqutai: Aarluarsuit

Aarluit ikittunnguit Kalaallit Nunaanniittarput Kalaallit Nunaata kitaani avannamut Qaanaaq tikillugu aammalu Tunup avannaarsuata kujasissua tikillugu. Aarluit angalasarput imaani sikuneq ajortuni, sineriak sinerlugu aammalu kangerlunni. Ilaqutariit 10-50-ikkuutaarlutik uumasuupput.

Ilisarnaatai
Aarluup tunua qernertuuvoq saava qaqortuulluni, saneraani qaqortunik titarniusaqarluni isaalu illuttut tunumikkut qaqortortaqarlutik. Naparutaata 2 meterit tikillugit portussusillip tunua qasertuuvoq. Talerui 2 meterit tikillugit takissuseqalersinnaapput. Qummut 3 meterit tikillugit anernera tiffuttarpoq.

Nerisai
Nerisarineruai eqalussuit mikisut, arferit allat, puisit, timmissat amikullu. Ataatsimoorlutik piniakkaminnik malersuisarput periataallaqqissunngorsimallutillu.

Spækhugger - Aarluk - Orcinus orca - Killer Whale; Orca;
Paasissutissat
  • Uumaffii: Imaq
  • Takissusia: 10 m tikillugit
  • Oqimaassusia: 10 tonsit tikillugit
  • Angutivissat annerupput
  • Aqqarsinnaavoq: 260 m tikillugit
  • Aqqaamasinnaavoq: 17 min tikillugit
  • Sukkassusia: nal.ak. 60 km tikillugit
  • Ataatsikkut erniusut: ataaseq
  • Piaqqisarpoq: ukiut tallimat allortarlugit 1
  • Naartusarpoq: qaammatit 15-18
Nalunngiliuk?
Timaaniittut qaqortut qernertullu aarluk ilassuuttunngortittarpaa. Aarluk qulaallugu uumasup ingerlasup immami taartumi aarluk takusinnaassanngilaa. Taamatullu aarluup ataatigut uumasup ingerlasup qaamaneq pissutigalugu aarluk takusinnaassanagu.