Qallunaatut atia: Hvalros
Latiinerisut atia: Odobenus rosmarus
Tuluttut atia: Walrus
Sorlernut ilaava: Miluumasut
Uumasoqatai: Kiisortut
Ilaqutai: Aarrit

Kalaallit Nunaanni Atlantikup aavia pingasunik uumaffeqarpoq: Imartami avannarlermi, Kalaallit Nunaata kitaata imartaani taavalu Tunup imartaani. Aarrit uumasarput sinerissap eqqaani imaluunniit imaani sarfartuni sikumi ammanerni, saatsersunik sikulinni. Tunumi uumasut nunami aalajangersunik qassimiuaarfeqartarput. Aarrit ataatsimoortukkuutaartarput imminnut kalerrisaaruttarlutik.

Ilisarnaatai
Aaveq puisaavoq nerinnartorsuarmik kiaseqarlunilu qungasilik, niaqukitsoq, siorna (siggui) singangasoq, 50 cm-it tikillugit takitigisunik tuugaalik. Angutivissat annerupput nuliunerminni paarujussuartarnermik kingunerisaanik timimikkut tinupaneqarlutillu qileroqartarlutik.

Hvalros - Aaveq - Odobenus rosmarus - Walrus
Paasissutissat
  • Uumaffii: Sineriak aamma Imaq
  • Takissusia: 350 cm tikillugit
  • Oqimaassusia: 1.000-2.000 kg
  • Nuliusarpoq: novembari-juuli
  • Ataatsikkut erniusut: nalinginnaasumik piaraq 1
  • Piaqqisarpoq: ukiut 2-3 allortarlugit 1
  • Milutsitsisarpoq ukiut 1½-2 miss.
  • Ukiut 6-10-t qaangiukkaangata kinguaassiorsinnaalersarpoq
  • Sivisunerpaamik uumasarpoq ukiuni 40-t miss.
Nalunngiliuk?
Aarrit juuli-oktobarimi sikueraangat ukiornissaanut puallarserlutik neriniartarput. Umerlussuatik uillunik, siuteqqunik, sangujaanik immallu naqqani uumasunik allanik ujarliutigisarpaat. Aarrup nerisassani talerorsuarminik katersortarpai.