Qallunaatut atia: Næbhval
Latiinerisut atia: Mesoplodon bidens
Engelsk navn: Sowerby's Beaked Whale
Sorlernut ilaava: Miluumasut
Uumasoqatai: Arferit
Ilaqutai: Anarnat

Anarnat Atlantikup avannaa tamakkerlugu siumugassaapput, isumaqartoqarporlu Atlantikup avannaata qiterpasissuaniinnerusartut. Anarnat nujuartorujussuummata ilisimasaqarfigineqarpallaanngillat, qassiunerallu eqqoriarneqarsinnaanani.

Ilisarnaatai
Anarnaq arfiuvoq kigutilik aarluarsuttut timaa iluseqartoq. Naparutaa tunuata kingornatungaata pingajorarterutaaniippoq. Talerui naatsunnguupput. Niaqqumi qaavatigut tinupaninnguaqarpoq, qania sigguttut iluseqarluni.

Nerisai
Nerisarineruai amikut itisoormiut, itisuumi nipit akisuanersiutini iluaqutigalugit ujartakkani.

Næbhval - Hyperoodon ampullatus - Bottlenose Dolphin; Northern Bottlenose Whale
Paasissutissat
  • Uumaffii: Imaq
  • Takissusia: 5 m tikillugit
  • Oqimaassusia: 1,3 tonsit tikillugit
  • Angutivissat annerupput
  • Aqqarsinnaavoq: 2.000 m tikillugit
  • Aqqaamasinnaavoq: 90 min tikillugit
  • Ataatsikkut erniusut: 1
  • Piaqqisarpoq: ukiumut ataasiarluni
  • Naartusarpoq: qaammatit 12
Nalunngiliuk?
Anarnat angutivissat kisimik nuisasunik kiguteqarput - nalinginnaasumik illuttut alleqquminni illugiinnik ataatsinik. Arnavissat kigutaat ikkiisa iluaniipput.