Qallunaatut atia: Kaskelot
Latiinerisut atia: Physeter macrocephalus
Tuluttut atia: Sperm Whale
Sorlernut ilaava: Miluumasut
Uumasoqatai: Arferit
Ilaqutai: Kigutilissuit

Kigutilissuit itisoormiuupput, uumasuullutik avataani imaannarsuarmi, qeqertat avataanni imaluunniit ikkannersuarni aalisagaqarfinni. Kalaallit Nunaata kitaani avannamut Uummannaq tikillugu Tunumilu Ittoqqortoormiit eqqaanni sikup sinaavani uumasuupput. Kigutilissuit angutivissat kisimik Kalaallit Nunaata imartaaniittuupput.

Ilisarnaatai
Kigutilissuaq arferit kigutillit annersaraat. Ilisarnaatigaa niaqorsuani kippareqisoq, takissutsimi 1/3-iatut takitigisoq. Niaquata siornatungaani saamiatungaaniippoq anersaartarfia; anerneralu tiffuttarpoq siumut sanimukanneq. Qaava kajortuusinnaavoq, qasertuusinnaavoq qernertuusinnaalluniluunniit, ataatungaa qaamanerulluni. Allerua amitsoq 19-23-nik kiguteqarpoq.

Nerisai
Nerisarineruai amikut.

Kaskelot (Spermacethval) - Kigutilissuaq - Physeter catodon - Sperm Whale; Great Sperm Whale
Paasissutissat
  • Uumaffii: Imaq
  • Takissusia: 18 m tikillugit
  • Oqimaassusia: 50 tonsit tikillugit
  • Angutivissat annerupput
  • Aqqarsinnaavoq: 3.000 m tikillugit
  • Aqqaamasinnaavoq: minutsit 120-t tikillugit
  • Sukkassusia: nal.ak. 30 km tikillugit
  • Anernera tiffuttarpoq amitsukujuumik qummut 4 m-it tikillugit
Nalunngiliuk?
Kigutilissuaq niaqqumigut kassussaannaveeqquteqarpoq kaavarsimik (spermacetolie) imalimmik. Uulia taanna siornatigut qullernut orsorineqartarpoq pinnersaasiornermilu atorneqartarluni.