Qallunaatut atia: Grindehval
Latiinerisut atia: Globicephala melas
Tuluttut atia: Long-finned Pilot Whale; Long-fin Pilot Whale; Pothead; Blackfish
Sorlernut ilaava: Miluumasut
Uumasoqatai: Arferit
Ilaqutai: Aarluarsuit

Atlantikup avannaani niisarnat 1 millionit missiliorpaat. Kalaallit Nunaata sineriai sinerlugit siumugassaapput, pingaartumik ikkannersuup Store Hellefiskebankep kitaani. Niisarnat upernaap qaangiutilernerani amikorniarlutik Kalaallit Nunaata imartaanut pisarput. Ataatsimoortut 10-niit 100-kkuutaartarput.

Ilisarnaatai
Niisarnaq 6-7 meterinik takissuseqarpoq, qernertuulluni sakissaminiit naamigut ammut qasertumik titarniisaqarluni. Ilisarnaatigai taleruni takisuut naparutanilu silittoq. Anernera tiffuttarpoq sanimut siammasissumik qummut 1 m missiliorlugu.

Nerisai
Niisarnat itisuumi amikorniartuupput, aammali aalisakkat ataatsimoortut peqqukkullu piniartarlugit. Ullormut unnuamullu 50 kg missiliorlugit nerisarpaat.

 Grindehval - Globicephala maelaena - Long-finned Pilot Whale; Long-fin Pilot Whale; Pothead; Blackfish
Paasissutissat
  • Uumaffii: Imaq
  • Takissusia: 7 m tikillugu
  • Oqimaassusia, arnaviaq: 1.300 kg tikillugit
  • Oqimaassusia, angutiviaq: 2.300 kg tikillugit
  • Aqqarsinnaavoq: 600 meterit tikillugit
  • Aqqaamasinnaavoq: 10 min. tikillugit
  • Ataatsikkut erniusut: 1
  • Piaqqisarpoq: ukiut 5-6 allortarlugit ataaseq
  • Naartusarpoq: qaammatit 15
Nalunngiliuk?
Niisarnat nalinginnaasumik 30-50-illu akornannik ukioqalersarput. Niisarnat utoqqaanersaat siumorneqartoq 57-inik ukioqarsimavoq. Kalaallit Nunaanni niisarnat ukiumut 150-it missaanniittut pisarineqartarput. Niisarnat nungunneqarnissaat aarlerigineqanngilaq, pisassallu killilersorneqaratik.