Qallunaatut atia: Nordkaper
Latiinerisut atia: Balaena glacialis
Tuluttut atia: Northern Right Whale; Great Right Whale; Biscayan Whale
Sorlernut ilaava: Miluumasut
Uumasoqatai: Arferit
Ilaqutai: Rethvaler

Nordkaperi siornatigut nalinginnaasimavoq Kalaallit Nunaata imartaani sikut saatsersut killingat tikillugu, nalitsinnili nungungajassimagamik qaqutiguinnaq takuneqartalerput. Piniaqqusaanngilluinnarpoq.

Ilisarnaatai
Nordkaperi arfiuvoq angisooq, nerinnartoq naparutaqanngitsoq, niaqorujussualik. Qernertuuvoq imaluunniit qasertoq taartuulluni, naamigut qaqortunik milaqarluni aammalu niaqqumigut qaamasunik milaqarluni kaattungiiaanillu nipinngasoqarluni.

Nerisai
Nerisarai uumasuaqqat tappiorannartut, soorlu krillit, illeqqat, peqquit qaamasartut tulukkaasallu. Soqqami akornisigut nerisami imertai nakkartittarpai.

Nordkaper - Balaena glacialis - Northern Right Whale; Great Right Whale; Biscayan Whale
Paasissutissat
  • Uumaffii: Imaq
  • Takissusia: 18 m tikillugit
  • Oqimaassusia: 60-100 tonsit
  • Aqqaamasinnaavoq: 10-20 min
  • Sukassusia: ?
  • Ataatsikkut erniusut: 1
  • Piaqqisarpoq: ukiut pingasut allortarlugit 1
  • Naartusarpoq: qaammatit 12
  • Milutsitsisarpoq: ukioq 1 miss.
Nalunngiliuk?
Nordkaperi anersaartarpoq anersaarfitsigut marlutsigut. Taamaattumik V-tut ilusilitsigut marlutsigut qummut 4,5 m tikillugit anernera tiffuttarpoq.