Qallunaatut atia: Hvidhval
Latiinerisut atia: Delphinapterus leucas
Tuluttut atia: Beluga; White Whale
Sorlernut ilaava: Miluumasut
Uumasoqatai: Arferit
Ilaqutai: Uumasoqatigiit Monodontidae

Qilalugaq qaqortaq ukiuunerani Kalaallit Nunaata kitaata imartaani sikuneq ajortuni avannamullu Qaanaaq tikillugu sikup sinaavani nalinginnarmik siumugassaavoq. Ukioq kaajallallugu Issittup imartaaniittarpoq, Tunulli sineriaani ikittuinnaasarlutik. Qilalukkat qaqortat Kalaallit Nunaanniittut nuliujartorlutik piaqqiartorlutillu upernaakkut aasaaneranilu Canadap issittortaanukaasarput.

Ilisarnaatai
Qilalugaq qaqortaq qaqortuuvoq kiguteqarluni naparutaqanngitsoq. Inoorlaajunermini kajortuusarpoq, inersimalileraangamilu qasertuusarluni. Aatsaat ukiut 5-10 qaangiukkaangata qaqortivittarpoq.

Nerisai
Qilalukkap qaqortap nerisarineruai aalisakkat, soorlu eqalukkat, uukkat, suluppaakkat, qalerallit eqaluillu aammalu amikut peqquillu. Nerisatik ilivitsuutillugit iisarpaat.

Hvidhval (Hvidfisk) - Qilalugaq qaqortaq - Delphinapterus leucas - Beluga; White Whale
Paasissutissat
  • Uumaffii: Imaq
  • Takissusia: 5 m tikillugit
  • Oqimaassusia: 1,6 tonsit tikillugit
  • Aqqarsinnaavoq: 600 m tikillugit
  • Aqqaamasinnaavoq: 20 minutsit tikillugit
  • Sukkassusia: nal.ak. 22 km
  • Nuliusarpoq: upernaakkut
  • Ataatsikkut erniusut: 1
  • Piaqqisarpoq: ukiut pingasut miss. qaangiukkaangata 1
  • Naartusarpoq: qaammatit 14-15
Nalunngiliuk?
Qilalukkat qaqortat assigiinngitsunik nipiliortaramik ilaatigut aamma taaneqartarput “immap inimiutanngua”. Nipit akisuanerat sumiissusersiornerminni atortarpaat. Tamanna taaneqartarpoq akisuanerup sumiissusersiuutaaneranik. Qilalukkat qaqortat nalinginnaasumik 2-10-kkuutaartarput, tusintillilli arlaqartut aamma takuneqartarsimapput.