Qallunaatut atia: Vågehval – Sildepisker
Latiinerisut atia: Balaenoptera acutorostrata
Tuluttut atia: Minke Whale; Piked Whale
Sorlernut ilaava: Miluumasut
Uumasoqatai: Arferit
Ilaqutai: Tikaagulliusaat

Tikaagullik Kalaallit Nunaanni arferit soqqallit nalinginnaanersaraat. Kalaallit Nunaata kitaata kujataani amerlanerpaapput, Qaanaarli tikillugu siumugassaallutik. Tunumi qaqutigoornerupput. Tikaagulliit issittut imartaanni upernaamiit ukiulerneranut nerisassarsiortarput, taavalu kujammukaalersarlutik.

Ilisarnaatai
Tikaagullik arferit soqqallit minnersaraat. Tunua qasertuunngikkuni qernertuuvoq, naavi qaqortuullutik 30-70-inik qiporaqarlutik (qullunneqarlutik). Taleruisa ataat qaqortuupput qaamikkut qaqornersaqarlutik. Tikaagulliit silaannakkut pisseqattaartarput. Qummut 1 meterisut portutigisumik pukkitsumik silittumik anernera tiffuttarpoq.

Nerisai
Nerisarai uumasuaqqat tappiorannartut, peqquit aalisakkallu ataatsimoortut.

Vågehval (Sildepisker) - Tikaagullik - Balaenoptera acutorostrata - Minke Whale; Piked Whale; Lesser Rorqual
Paasissutissat
  • Uumaffii: Imaq
  • Takissusia: 10 m tikillugit
  • Oqimaassusia: 10 tons tikillugit
  • Aqqarsinnaavoq: 500 m tikillugit
  • Aqqaamasinnaavoq: 20 min tikillugit
  • Sukkassusia: nal.ak. 60 km tikillugit
  • Ataatsikkut erniusut: ataaseq
  • Piaqqisarpoq: ukiut tamaasa 1
  • Naartusarpoq: qaammatit 10-12
Nalunngiliuk?
Silarsuarmi 1 million sinnerlugit tikaagulleqarpoq. Taamaalilluni tikaagullit arferit soqqallit nalinginnaanersaralugulu amerlanersaraat. Naatsorsuutigineqarpoq Kalaallit Nunaanniittut 2007-imi 16.600-nit amerlanerussasut.