Qallunaatut atia: Sejhval
Latiinerisut atia: Balaenoptera borealis
Tuluttut atia: Sei Whale
Sorlernut ilaava: Miluumasut
Uumasoqatai: Arferit
Ilaqutai: Tikaagulliusaat

Tikaagulliusaarnat silarsuarmi imarpissuarni tamani uumasuupput. Danmarksstrædemi Davisstrædemilu Kalaallit Nunaata kujataata avataani uumasuuvoq. Aasakkut issittut imartaanni angalaartarput ukiukkullu immani nillinngitsuni immanilu kissartuniinnerminni nuliusarlutillu piaqqisarlutik.

Ilisarnaatai
Tikaagulliusaarnaq amitsukujuujuvoq qasertoq taartuulluni, qaqortunik milalik. Naparutaa portusuujuvoq tunuani sarpiata tungaanut kingusissumiilluni. Kiguserfimmini qullerni illuttut 300-400-nik soqqaqarpoq, naamigut 32-62-inik qiporaqarluni.

Nerisai
Nerisarai uumasuaqqat tappiorannartut, soorlu illeqqat, krillit, peqquit qaamasartut aamma aalisagaaqqat ataatsimoortartut, imertai soqqarminik nakkartittarlugit.

Sejhval - Balaenoptera borealis - Sei Whale
Paasissutissat
  • Uumaffii: Imaq
  • Takissusia: 12-18 m
  • Oqimaassusia: 20-30 tons
  • Aqqarsinnaavoq: ?
  • Aqqaamasinnaavoq: ?
  • Sukkassusia: nal.ak. 50 km
  • Ataatsikkut erniusut: Ataaseq
  • Piaqqisarpoq: ukiut marluk pingasulluunniit allortarlugit 1
  • Naartusarpoq: qaammatit 10-12
  • Milutsitsisarpoq: qaammatit 7
Nalunngiliuk?
Tikaagulliusaarnaq qallunaatut taaneqartartoq sejhval saarullikkut ilaat sejit atsiullugit ateqarpoq. Tamatumunnga pissutaavoq sej aamma sejhval Norgep sineriaani kangerlunnilu ataatsikkoortarmata, uumasuaqqat tappiorannartut nerisannaatik neriniarlugit.