Qallunaatut atia: Blåhval
Latiinerisut atia: Balaenoptera musculus
Tuluttut atia: Blue Whale
Sorlernut ilaava: Miluumasunut
Uumasoqatai: Arferit
Ilaqutai: Tikaagulliusaat

Tunnulik silarsuarmi maannakkut uumasut annersaraat. Imarpissuarni uumasuuvoq, qaqutiguinnarlu sinerissamut qanillisarluni. Tunnullilli Kalaallit Nunaata imartaani ilaanneeriarlutik takkuttarput, pingaartumik Nuup Maniitsullu eqqaanni.

Ilisarnaatai
Tunnulik nalinginnaasumik tungujortoq taartuuvoq qaamigut qasertunik sungarpaluttunik milaqarluni, amia (mattaa) immap naasuinik naaffigineqarsimasarami. Naparutakitsunnguuvoq. Tunnulik aqqaleraangat sarpia nuisarpoq. Anernerata tiffunnera qummut 9 meterit tikissinnaavai.

Nerisai
Tunnullit soqqaliupput. Nerisaraat peqquaqqat, soqqaminnik imeq nakkartillugu nerisakkatik. Tunnulik 800 tikillugit amerlassusilinnik takisuunik soqqaqarpoq, kiguserfianit qullermiit nivingasut. Ullup unnuallu ingerlaneranni peqquit 3,6 tonsit nerisarpai.

Blåhval - Tunnulik; Tunnulissuaq - Balaenoptera musculus - Blue Whale
Paasissutissat
  • Uumaffii: Imaq
  • Takissusia: 33 m tikillugit
  • Oqimaassusia: 190 tonsit tikillugit
  • Aqqarsinnaavoq: 900 meterit tikillugit
  • Aqqaamasinnaavoq: minutsit 5-20
  • Sukkassusia: nalunaaquttap-akunneranut 48 km tikillugit
  • Anernerata tiffunnera: amitsukujuumik qummut 9 meterit tikillugit
Nalunngiliuk?
Tunnullit aasami issittut imartaanniittarput nerillutik puallarserlutik. Ukiukkut nunat kiattut imartaanniittarput, tamaani nuliusarlutik piarartaartarlutillu.