Qallunaatut atia: Remmesæl
Latiinerisut atia: Erignathus barbatus barbatus
Tuluttut atia: Bearded Seal
Sorlernut ilaava: Miluumasut
Uumasoqatai: Kiisortut
Ilaqutai: Puisit

Ussuit Kalaallit Nunaanni tamarmi amerlasuujunngitsut, sinerissami sikunilu saatsersuni uumasuupput. Ukiukkut kangerluit sikugaangata, sikulu 15-20 cm-it sinnerlugit issutigileraangat, qimattarpai imaanut sikusanngitsumukartarluni. Ussuk upernaakkut sikuni saatsersuni imaluunniit sikup sinaani piaqqisarpoq. Piarartaami milukkunnaarnerata kinguninngua nuliusarpoq. Ussuk nunamut qaqinngisaannarpoq.

Ilisarnaatai
Ussuk qaserujuttumik kajuartumik allaqanngitsunik meqqoqarpoq. Meqqui katannermik kinguninngua qasertoq qillertunngortarput.

Nerisai
Nerisarai aalisakkat, sangujaat, inalugallit uillullu.

Remmesæl - Ussuk; Taqammuaq - Erignathus barbatus - Bearded Seal
Paasissutissat
  • Uumaffii: Sineriak aamma Imaq
  • Takissusia: 2,5 m tikillugit
  • Oqimaassusia: 360 kg tikillugit
  • Ataatsikkut erniusut: 1
  • Piaqqisarpoq: ukioq ataaseq allortarlugu 1
  • Arnaviaq apriili-maajimi piaqqisarpoq
  • Milutsitsisarpoq: ullut 24 miss.
  • Ukiunik 3-7-nik ukioqaleraangami kinguaassiorsinnaalersarpoq
Nalunngiliuk?
Ussuup amia issusooq pingaartinneqartaqaaq, siornatigut iperaattanut kamiillu atungaannut atorneqartarluni aammalu alernut, qimmit pituutaannut qamutinullu atorneqartarluni. Taamaattumik qallunaatut taaneqartarpoq “remmesæl”, tassa allunaaliarineqartartoq.