Qallunaatut atia: Isbjørn
Latiinerisut atia: Ursus maritimus
Tuluttut atia: Polar Bear
Sorlernut ilaava: Nunap miluumasui
Uumasoqatai: Kiisortut
Ilaqutai: Nanukkut

Nanoq issittumi tamarmi uumasuuvoq, aamma Kalaallit Nunaata kitaani Tunumilu. Nannut immami sikusartumiittaramik imaani miluumasunut ilaasutut isigineqartarput. Kalaallit Nunaanni nanoqatigiikkuutaat sisamaapput: Tunumi, Kane Bassinimi, Baffin Bugtimi aamma Davis Strædemi. Naatsorsuutigineqarpoq issittoq tamakkerlugu nannut 20.000-it missilioraat

Ilisarnaatai
Nannup amia meqqulik issusooq sungarpalulluni qaqortuuvoq, amiata qaava qernertuulluni. Meqqui torsoqimmata amia imermik pitarneqarsinnaanngilaq. Siulliivi angisuut nalussutigisagai aamma meqqoqarput. Nanoq silarsuarmi nannut anginersaraat.

Nerisai
Nannup nerisarai miluumasut imarmiut, pingaartumik natsiit, aalisakkat, timmissat, naasut aamma silut.

Isbjørn - Nanoq - Ursus maritimus - Polar Bear
Paasissutissat
  • Uumaffii: Sineriak, Imaq
  • Takissusia: 330 cm tikillugu
  • Oqimaassusia: 200-400 kg
  • Angutivissap oqimaassusia: 500-1000 kg
  • Nuliusarfia: marsi-maaji
  • Ataatsikkut erniusut: piaqqat 1-3
  • Piaqqisarpoq: ukiut pingasut allortarlugit
  • Naartusarpoq: qaammatit 8-9
  • Kinguaassiorsinnaalersarpoq: 4-5-nik ukioqaleraangami
  • Sivisunerpaamik uumasarpoq: ukiut 30-35
Nalunngiliuk?
Nannut arnavissat ukiukkut immap sikua qimallugu aput assallugu apissimi toquusartarput. Piaraat ukiortaap missaani erniarineqartartut qaammatini pingasuni miluttarput, milunnerisalu nalaanni arnaat nerissanani. Tamatuma kingorna arnaata piaqqani ilagalugit apissertik qimattarpaa. Piaraasa ukiut 2½ missaanni anaanartik qimassanagu ilagereeraangassuk arnaat nuliusinnaanngoqqittarpoq.