Qallunaatut atia: Polarræv; hvidræv; blåræv
Latiinerisut atia: Alopex lagopus
Tuluttut atia: Arctic Fox (White Fox)
Sorlernut ilaava: Nunap miluumasui
Uumasoqatai: Kiisortut
Ilaqutai: Qimmit

Terianniaq Kalaallit Nunaanni tamarmi uumasuuvoq. Assigiinngitsut marluupput: terianniaq qernertaq aamma terianniaq qaqortaq. Terianniaq qernertaq sinerissami sikuneq ajortumi ulittarnerup tinittarnerullu killingarmiuuvoq, qaqortaq nunami qeriuaannartumi masarsummiuulluni nunallu timaani qaqqarmiuulluni.

Ilisarnaatai
Terianniaq qernertaq aasakkut qaserluni kajuartuuvoq, ukiukkut qasertoq qernaluttoq tungujuartuulluni. Terianniaq qaqortaq ukiukkut qaallorissuuvoq. Qaqortaq aasakkut qasertuuvoq naavi qaqortuullutik.

Nerisai
Terianniap qaqortap avannaani uumasuusup avinngat inuussutigai, kujasinnerusunili ikittuinnarnik avinngalinni avinngaqarfiunngitsuniluunniit timmissat silullu nerisaralugit. Terianniap qernertap nerisarai aalisakkat, peqquit, siuteqqut, qullugissat, uillut, timmissat manniilu, sullinerit ukallillu.

 Polarræv (Hvidræv, blåræv) - Terianniaq qaqortaq - Alopex lagopus - Arctic Fox (White Fox)
Paasissutissat
  • Uumaffii: Qaqqat aamma Sineriak
  • Takissusia: 50-60 cm (pamiua ilanngunnagu)
  • Pamiuata takissusia: 25-35 cm
  • Oqimaassusia: 3-8 kg
  • Nuliusarfia: marsip missaani
  • Ataatsikkut erniusut: nalinginnaasumik piaqqat 5-6
  • Piaqqisarpoq: ukiumut 1-2-riarluni
  • Naartusarpoq: ullut 50 miss.
  • Piaqqisarpoq maaji-juunimi
Nalunngiliuk?
Terianniat qaqortat amerlassusiat ukiumiit ukiumut allanngorarpoq, pissutaanerulluni avinngat amerlassusiisa allanngorarnerujussuat. Ukiuni avinngaqarluarfiusumi terianniat qaqortat aqqaneq-marluk tikillugit piaqqisinnaapput, avinngaqarpianngikkaangalli 1-2-innarnik piaqqisarlutik imaluunniit piaqqinngitsoortarlutik.