Kissavaasaaraq

Qallunaatut atia: Hjertemusling
Latiinerisut atia: Cerastoderma edule
Tuluttut atia: Common Cockle
Sorlernut ilaava: Qituttunut
Uumasoqatai: Chamida
Ilaqutai: Kissavaasaaqqat

Kissavaasaaraq nalinginnaasoq uumasuuvoq ulittarnerup tinittarnerullu killinganni ikkattumi 2 meterit tikillugit itissusilimmi. Tininngasumi allanngorani panertumiissinnaavoq. Sioqqani marrarmiluunniit ammut 1-2 cm assaassinnaavoq.

Ilisarnaatai
Qaleruaa tumaasaq qequtut qaallorissoq-sungarpalulaartuvoq alliartornerani akorni itinersalinnik qeqqaniit avammut siaruarsimasunik titarniisaqarluni. Qaleruaat pativillutik matusartut uummataasatungajak iluseqarput. Naatsumik sullumik anersaartuuteqarpoq.

Nerisai
Kissavaasaaqqat nerisaraat uumasuaqqat tappiorannartut immamiit anersaartuutimikkut sullulikkut milluartakkatik.