Kissavaasaq

Qallunaatut atia: Kammusling (Grønlandsøsters)
Latiinerisut atia: Chlamys islandica
Tuluttut atia: Iceland Scallop
Sorlernut ilaava: Qituttunut
Uumasoqatai: Myoida
Ilaqutai: Hiatellidae

Kissavaasaq Kalaallit Nunaanni aamma taaneqartarpoq Kalaallit Nunaata kissavaasaa. Uumasuuvoq imaani Kalaallit Nunaanniit Amerikap Avannarliup kangianut. Kissavaasat amerlanersaat uumasuupput immap naqqani 15 meteriniit 200-300 meterit tikillugit itissusilinni.

Ilisarnaatai
Qaleruai sungarpaluttut, aappalungusersut, tunguusaasat imaluunniit kajuartut. Saattukujuujupput ammalungajattut qalerussamik qaarajunnerata tungaanut avammut siaariartortumik titarniisallit, qattunersamikkut qalerualinnik siutillit. Qaleruaat imminnut nipinngasuupput nukimmik ninngusuumik matussuteqarlutik. Kissavaasat qaamanermut malussarissunik iseqarput qalerussamik killingatigut malussarniuteqarlutik.

Nerisaat
Kissavaasat qalerussamikkut aatsangalaartutigut imermik milluaasarput. Imaq alginik uumassusilinnillu tappiorannartulik milluarneqartarpoq.

Kammusling (Grønlandsøsters) - Chlamys islandica - Iceland Scallop
Paasissutissat
  • Uumaffii: Imaq
  • Takissusia: 7,5-10 cm tikillugit
  • Kissavaasat angutiviaallutillu arnaviaapput
  • Piaraat immap ikerinnaaniittarput
Nalunngiliuk?
Kissavaasat ingerlasarput qalerussaminnut qalerussamillu ammarnatigut imermik milluaallutik. Taava qalerussatik matupallattarpaat imerlu siutimikkut qalerualikkut anisittarlugu. Ingerlallutik assingusarput kigutaasanut kiisaqattaartunut. Ilaqarpulli pituutaasanik immap naqqanut milluguttartunik.