Siuteroq
Qallunaatut atia: Almindelig strandsnegl
Latiinerisut atia: Littorina littorea
Tuluttut atia: Common Periwinkle, Eedible Winkle
Sorlernut ilaava: Qituttunut
Uumasoqatai: Neotaenioglossa
Ilaqutai: Siuteqqut
Siuteroq sinerissami ikkattuni sissamilu ujaqqani tinittarnerup ulittarnerullu killinganni uumasuuvoq. Siuteroq manniliortarpoq puulinnik immap ikerinnaaniittartunik.
Ilisarnaatai
Qaleruaa issukullaavoq manngertoq naatsumik nuumigut isoqarluni. Qaleruaa taartuuvoq, qaserujuttoq kajorujuttorluunniit tukimoortunik titarniisalik, sangujaat boreormilluunniit (qullugissat putoorisartut) putusaannik putoqarajuttoq. Oqaa kukiisanik kiguteqarpoq.
Nerisai
Siuteqqup inuussutigai algit oqqaminik ujaqqani naasuniluunniit piiartakkani.
Paasissutissat
- Uumaffii: Imaq
- Takissusia: 3,5 cm tikillugit
- Mannii puullit: 200-5000
- Piarai sapaatip akunneri 3 missiliorlugit immap ikerinnaaniittarput
- Ukiut inuuffii: 4-10
Nalunngiliuk?
Siuteroq panertumut pigaangami qalerussami ammarnga kalkitalimmik matusarpaa. Taamaalilluni tininngasumi sivisoorujussuarmik uumasinnaavoq, qalerussami ammarngata matua matusimaannarlugu.