Tattaasat

Qallunaatut atia: Almindelig albueskæl
Latiinerisut atia: Patella vulgata
Tuluttut atia: Common Limpet
Sorlernut ilaava: Qituttunut
Uumasoqatai: Archaeogastropoda
Ilaqutai: Patellidae

Tattaasat uumasuupput sissami ujaqqani sakkortuumik qaartarnilinni ulittarnerup killiffianiit meterit marlussuit tikillugit itissusilimmi. Tamarmik arnaviaallutillu angutiviaapput. Tattaasat angutivissatut kinguaassiorsinnaanngortarput qaammatit 9-12 qaangiukkaangata. Ukiut marlussuit qaangiukkaangata arnavianngortarput.

Ilisarnaatai
Qaleruaat natsatut ilusillit qasertoq-kajortoq sungarpaluttuuvoq, erseqqissunik qeqqaniit avammut siaruarsimasunik ammoortunik titarniisaqarluni. Qaleruaata ilua kajortuunngikkuni qasertoq-qorsorpaluttuuvoq, isigaa nukittooq qasertoq-sungarpaluttuulluni.

Nerisai
Tattaasat inuussutigaat algit ujaqqaniittut kiisarlugit piiartakkatik.

Almindelig albueskæl - Patella vulgata - Common Limpet
Paasissutissat
  • Uumaffiat: Imaq
  • Takissusia: 5-6 cm
  • Portussusia: 2,5-3 cm
  • Mannii anisuualu ukiukkut suffiarineqartarput
  • Tattaasat angutiviaallutillu arnaviaapput
  • Piaraat sapaatip akunneri pingasut immap ikerinnaaniittarput
  • Uumasarpoq: Ukiut 3-15
Nalunngiliuk?
Tattaasat qaleruaat tamarmik immikkut ujaqqani qaarsumiluunniit aalajangersumik nippusimaffeqartarput, nippusimaffimmik qaavannut naammaguteqqissaartuullutik. Nerisassarsiorlutik nippusimaffatsik qimattarpaat, uterfigeqqittarluguli. Nippoqqavimminut isikkaminik nipputtarpoq.