Uiloq
Qallunaatut atia: Blåmusling
Latiinerisut atia: Mytilus edulis
Tuluttut atia: Common Mussel
Sorlernut ilaava: Qituttunut
Uumasoqatai: Mytiloida
Ilaqutai: Uillukkut
Uillut uumasuupput ulittarfiup tinittarfiullu killinganni sioralimmi ujaralimmiluunniit, 40-50 meterit tikillugit itissusilik tikillugu.
Ilisarnaatai
Qaleruaa tungujortoq qernaluttoq tumaasaavoq avammut tulleriiaanik qeqqaniit titarniisaqarluni. Siornatungaa nuuminut amiliartorpoq tunuatungaa qaarajuttuulluni. Qaleruaa kaattungiiaanik (rur) nipinngasoqarsinnaavoq. Qaleruaata ilua perlemoriuvoq. Isigaa oqqatut iluseqartoq kajortoqaappalungusersuuvoq.
Nerisai
Uillut nerisaraat algit, uumasuaqqat tappiorannartut allallu uumassusileeqqat immamiit imertaajaatigalugit milluartakkani.
Paasissutissat
- Uumaffii: Imaq
- Takissusia: 7-10 cm tikillugit
- Mannii: 5-10 milliuunit
- Mannii anisuualu imaani suffiarineqartarput
- Piaraat qaammat ataaseq immap ikerinnaaniittarput
- Sivisunerpaamik uumasarpoq: Ukiut 15
Nalunngiliuk?
Uillut ujaqqanut, qisunnut uiloqatiminnullu allanut nippusimasarput pituutaasanik. Uillut amerlasoorsuullutik ataatsimoorsinnaasarput.