Aamanganiaq

Qallunaatut atia: Grønlandsk mariehøne
Latiinerisut atia: Coccinella transversoguttata
Tuluttut atia: Transverse Ladybeetle
Sorlernut ilaava: Sullinernut
Uumasoqatai: Sikannertuut
Ilaqutai: Aamanganiat

Aamanganiaq uumasuuvoq orpikkat akornanni narsartanilu panertuni, pingaartumik avaalaqissani. Kitaani avannamut Upernavik tikillugu Tunullu avannaani Kejser Franz Joseph Fjord tikillugu uumasuuvoq.

Ilisarnaatai
Aamanganiat ammallorissup affaatut iluseqarput naatsunik nioqarlutik, maluginiuteqarlutik. Niaqua qernertuuvoq qaqungajattunik milalik, sului aappaluttuunngikkunik sungaartuupput, qernertunik milallit. Qalipaataat assigiinngiiaartuusinnaapput. Qullugiaat qasertoq qerningajattuuvoq qernertunik aamma aappaluttoq-sungarpaluttunik milaqarluni.

Nerisai
Qullugiaat inersimasullu kiisortuupput inuussutigalugit naasut kumaat sullineeqqallu.

Grønlandsk mariehøne - Coccinella transversoguttata - Transverse Ladybeetle
Paasissutissat
  • Uumaffii: Sumi tamani
  • Takissusia: 4-7 mm
  • Sului siaarlutik: 12 mm

Nalunngiliuk?
Aamanganiat inersimasut qullugiaasalu ilisarnaatigaat qalipaateqaramik qernertumik aappaluttumillu/sungaartumik. Qalipaataat aappaluttut sungaartullu timmissanut tigutsisilinnut “mianersoqqussutaapput”.