Ippernaq niviortartoq

Qallunaatut atia: Dansemyg
Latiinerisut atia: Ablabesmyia pulchripennis
Tuluttut atia: Chironomids (Non-biting-midges)
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Ippernat niviortartut

Ippernat niviortartut Issittuni amerlalluinnartuupput. Kalaallit Nunaanni assigiinngitsut 100 sinneqarput, ilaat nalinginnaasuullutik Kalaallit Nunaata kitaani tamarmi. Timmissat assigiinngitsorpassuit, aamma eqaluit, ippernat niviortartut piaraat (eqisaavat) nerisarilluarpaat.

Ilisarnaatai
Ippernat niviortartut takisuumik amitsukujuumik eqqoqarput, sakissamikkut tinupaneqarlutik naatsunillu suloqarlutik. Angutivissat meqquusalinnik maluginiuteqarput. Amerlasoorsuullutik timmioraartarput.

Nerisaat
Inersimasut nerinatik ulluni ikittuinnarni uumasarput. Qanikitsuupput kapisissanatillu.

Dansemyg - Ablabesmyia pulchripennis - Chironomids
Paasissutissat
  • Uumaffii: Sumi tamani
  • Angissusia: 3-10 mm
  • Sului siaarlutik: 15 mm miss.
  • Nuliusarfia: Upernaaq-aasalernera
  • Eqisaavap takissusia: 30 mm miss.
  • Eqisaavaq uumasarpoq: Ukiut arlallit
  • Puuminniittarfia: Sapaatip-akunneri 4-8 miss.
Nalunngiliuk?
Ippernat niviortartut piaraat (eqisaavat) amitsukujuujupput qalipaateqarsinnaallutik aappaluttumik, akimut ersitsumik imaluunniit qorsummik. Tatsit kuuillu naqqini uumasarput nerisaralugit quajaatit, bakteriat ippernallu allat piaraat (eqisaavat) suullu allat uumassusilinneersut. Ukiut arlerlugit ineriartuaarsinnaapput. Upernaakkut puulinngortarput.