Minngoq

Qallunaatut atia: Stor grønlandsk vandkalv
Latiinerisut atia: Colymbetes dolabratus
Tuluttut atia: Great Diving Beetle
Sorlernut ilaava: Sullinernut
Uumasoqatai: Sikannertuut
Ilaqutai: Minngut

Minngoq Kalaallit Nunaata kitaani Upernavik Tunumilu Daneborg tikillugu uumasuuvoq. Tatsini mikisuni, masarsunni taseqqanilu uumasuuvoq. Inersimasut ukiisarput tatsini angisuuni, qerineq ajortumik natilinni.

Ilisarnaatai
Minngut qaavi manissuupput, ulamertut, ammaloqisaat manissut, tunumikkut silittunik meqqoqarluartunik naluutiminnik niullit. Minngoq Kalaallit Nunaanni sikannertuut annersaraat.

Nerisai
Piaraat eqisaavat inersimasullu kiisortuupput, piniakkatik imminnilluunniit anginerusut saassuttarlugit. Eqisaavat piniakkatik imerpalasumik seqqittartarpaat. Imerpalasup taassuma pisami ilumiui arrortikkaangagit milluartarpai.