Minnguaraq

Qallunaatut atia: Lille grønlandsk vandkalv
Latiinerisut atia: Hydroporus morio
Tuluttut atia: Whirlgig Beetle
Sorlernut ilaava: Sullinernut
Uumasoqatai: Sikannertuut
Ilaqutai: Minngut

Minnguaraq siumugassaavoq Tunumi avannamut Ammassalik tikillugu, Kitaani tamarmi aamma Kitaa sinerlugu avannamut Peary land tikillugu. Taanna inuusarpoq taseqqani kooqanngitsuni, tatsinilu.

Ilisarnaatai
Minnguaraq amitsukujooq ulamertuuvoq niui naluutsit meqqoqarluarlutik suluilu kingulliit angisuujullutik. Maluginiutai takisuut amitsuararsuupput.

Nerisai
Taakku qullugiaasa inersimasullu inuussutigaat peqquminiaqqat (dafnier), erngup kumai eqisaavallu (ippernat piaraat).