Nipaalaq

Qallunaatut atia: Cikade (Dværgcikade)
Latiinerisut atia: Macrosteles laevis
Tuluttut atia: Leafhopper
Sorlernut ilaava: Sullinernut
Uumasoqatai: Næbmunde
Ilaqutai: Nipaalat

Nipaalat Kalaallit Nunaata kkjataani Kitaatalu kujasissuani nalinginnaapput. Amerlasoorsuakkuutaarsinnaapput ivigaqarfinni, narsaatini naggorissakkani qallunaatsiaallu illukuini. Inuit ilaat isumaqarput qallunaatsiaanit Kalaallit Nunaannut pissunneqarsimassasut.

Ilisarnaatai
Nipaalat ilisarnaatigaat qalipaatertik qorsorpaluttoq aammalu kingulliiminni kapinartutik. Anginersaat 5 mm-isut angitigilersarput kingulliiminni mikisuaqqanik kapinartoqarlutik. Nipaalat mikinerit 3 mm-sut angitigisut niaqqumik qaavatigut taartunik milaqarput, kingulliimikkut angisuunik kapinartoqarlutik.

Nerisai
Nipaalat naasut assigiinngitsut, pingaartumik ivikkat, isserinik milluaasarput. Naasut naasussartaat qorsuit aserortaramikkit naatsiivinni nunalerinermilu ajoquseerujussuarsinnaasarput.