Niviugak

Qallunaatut atia: Spyflue
Latiinerisut atia: Cynomya mortuorum
Tuluttut atia: Blow-fly, Carrion-fly
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Niviukkat

Kalaallit Nunaanni niviukkat assigiinngitsut arfiniliupput, sumi tamani uumasuullutik. Inersimasut ukiisarput oqquartani, soorlu illuni, upernaakkut sila kissatsikkaangat nuliusinnaalerlutik quperlussisinnaaleraangamik saqqummeralersarput.

Ilisarnaatai
Saviminertut qillertuupput qeratasuunik meqqoqarlutik. Assigiinngitsut amerlanersaat silittunik taartunik nioqarput akimut ersitsunik suloqarlutik. Kiataat tungujortoq qernaluttuuvoq eqqui tungujortoq qernaluttuullutik, imaluunniit qorsuk taartuullutik.

Nerisai
Niviukkat naamallaqqilluinnartuugamik uumasut toqungasut asiunikut, toqungasut neqaat annallu nerisarisartakkatik imaaliallaannaq nanisarpaat.