Niviugak issulittartoq

Qallunaatut atia: Svirreflue
Latiinerisut atia: Parasyrphus tarsatus
Tuluttut atia: Hoverfly
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Niviukkat issulittartut

Kalaallit Nunaanni niviukkat issulittartut assigiinngitsut 13-it ilisimaneqarput. Arlalikkuutaat inuuffigisaminnut immikkut ittunut naleqqussarsimapput, soorlu nunap timaani, sinerissami imaluunniit taseqqani mikisuni. Ilaat taamaallat kujasissuni avannarpasissuniluunniit siumugassaapput. Nalinginnaanerpaat Kalaallit Nunaata kitaani tamarmi aamma Avannaani aammalu Tunup avannaani uumasuupput.

Ilisarnaatai
Ilisarnaatigaat eqqutik qernertumik-sungaartumik titarniisallit aamma sulumminni qassutaasat “sinaakkutat”. Timmillutik silaannarmi uninngariarlutik sukkasoorujussuarmik nikeriataartarput.

Nerisai
Inersimasut inuussutigaat naasut pujoralaat tungusunnitsuilu. Quperlui kiisortuugajupput, inuussutigalugit piluttat kumaat sulliniaqqallu allat.