Niviugak miluuttoq

Qallunaatut atia: Snylteflue
Latiinerisut atia: Peleteria aenea
Tuluttut atia: Tachina Fly
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Niviukkat miluuttut

Kalaallit Nunaanni niviukkat miluuttut assigiinngitsut arfineq pingasuupput. Tamakku ilisarnaatigaat quperlui sullerngit allat qullugiaanni uumasaramik.

Ilisarnaatai
Niviukkat miluuttut angisuujupput, nerinnartut, taartut qeratasuunik meqqullit. Piaraat quperluupput siunermikkut inngigissut avinniisallit. Qania timaata iluaniippoq.

Nerisai
Quperlui sullernit uumasullu allat, pingaartumik pakkalussat qullugiaasa iluanni uumasarput. Quperluisa qullugissat uumaffigisatik aatsaat toquttarpaat puulinnguleraangata.