Niviugak niutooq

Qallunaatut atia: Grønlandsk stylteflue
Latiinerisut atia: Dolichopus groenlandicus
Tuluttut atia: Long-legged Fly
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Niviukkat niutuut

Niviukkat niutuut Kalaallit Nunaata kitaani tamarmi nalinginnaapput. Nuliusarput angutivissap arnaviaq unallugu nuliarsarfigereeraangagu. Quperlui uumasarput nunap iluani, naasut asiunikuini, orpiit qalipaasa ataanni imermiluunniit.

Ilisarnaatai
Saviminertut qillertuupput takisuunik qeratasuunik meqqulinnik nioqarlutik, iserujussuaqarlutik sulummikkullu qassutaasanik allaqarlutik. Angutiviaq eqqummi nuuatigut nuliussutiminik pisataqarpoq naami ataanut peqissimasartumik.

Nerisai
Kiisortuupput, sullinerit allat qullugissallu qaqortut inuussutigalugit.