Niviugak qatigalik
Qallunaatut atia: Grønlandsk pukkelflue
Latiinerisut atia: Megaselia groenlandica
Tuluttut atia: Hump-backed Fly
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Niviukkat qatigallit
Niviukkat qatigallit Kalaallit Nunaata kitaani avannamut Disko Bugt tikillugu nalinginnaapput, pingaartumik sissami ikkattumi. Kalaallit Nunaanni ikinnerpaamik assigiinngitsut pingasuupput.
Ilisarnaatai
Niviukkat qatigallit mikisuupput qernertoq-kajuartuullutik. Sului allaqarput qassutaasanik qeratasuunik sulummik kangiisigut meqquluaasaqarlutik. Quperluisa qanii timaani morsusimapput. Siornatungaat inngigissuuvoq.
Nerisai
Qullugiai uumasarput naasuni pupinnilu asiunikuni, uumasuni asiunikuni annaniluunniit.
Paasissutissat
- Uumaffii: Sumi tamani
- Takissusia: 5 mm
- Sului siaarlutik: 8 mm
Nalunngiliuk?
Niviukkat qatigallit ilaammata niviukkanut pingaarnerusunut, quperlumik puuanni taartumi manngertumi puulinngortartunut. Quperlui uumasarput naasut pupiillu asiunikortaanni, annani aamma uumasuni asiunikuni imaluunniit sullineqatiminni allani.