Niviugak timmiuaartoq

Qallunaatut atia: Danseflue
Latiinerisut atia: Rhamphomyia nigrita
Tuluttut atia: Dance Fly
Sorlernut ilaava: Sullinernut
Uumasoqatai: Niviukkat
Ilaqutai: Niviukkat timmiuaartut

Kalaallit Nunaanni niviukkat timmiuaartut mikisut akunnattullu assigiinngitsut sisamaapput. Kalaallit Nunaata kitaata kujataani, Kitaani aammalu Tunup avannaani uumasuupput.

Ilisarnaatai
Niviukkat timmiuaartut qeratasuunik meqqoqarput, niaqui ammalungajattuupput narlusuumik sorluusamik milluaateqarlutik. Silaannarmi nuliusarput. Angutivissat arnavissanik ussassaarisarput arlalikkuutaarlutik timmioraarlutik.

Nerisai
Niviukkat timmiuaartut inersimasut nerisaraat sullerngit, pingaartumik niviukkat allat. Nerisassatik piniartarpaat silaannarmi malersorlugit imaluunniit mitsimasut qimaasut malersorlugit. Quperluisa ilaat kiisortuupput.