Pakkaluaq sungaartoq

Qallunaatut atia: Arktisk høsommerfugl
Latiinerisut atia: Colias hecla
Tuluttut atia: Hecla Sulphur
Sorlernut ilaava: Sullinernut
Uumasoqatai: Pakkalussat
Ilaqutai: Hvidvingefamilien

Pakkaluaq sungaartoq Kalaallit Nunaata annersaani ivigaqarfinni panertuni uumasuuvoq. Kujataanili taamaallaat qatsissumi.

Ilisarnaatai
Angutiviaq sungaartoq-aappalungusersuuvoq, arnaviaq sungarpaluttuuvoq imaluunniit sungaartoq-qaserujuttuulluni sinaakkutaasami iluani orangeanik milaqarluni. Angutiviaq arnaviarlu sulummik kingulliit qeqqanni orangeanik-aappaluttunik milaqarput. Qullugiaat qorsuupput takisuut nerinnartut. Puuat inngigissoq qilerutaasami siilikimi kussarluni nivingasarpoq.

Nerisai
Pakkalussat inersimasut nerisaraat naasut, soorlu aappaluttuaqqat tungusunnitsui. Qullugiaasa Kalaallit Nunaanni suut nerisarineraat ilisimaneqanngilaq.