Pakkaluaq tungujortoq
Qallunaatut atia: Blåfugl (Bjerg-blåfugl)
Latiinerisut atia: Plebejus glandon
Tuluttut atia: Arctic Blue
Sorlernut ilaava: Sullinernut
Uumasoqatai: Pakkalussat
Ilaqutai: Pakkalussat tungujortukkut
Pakkaluaq tungujortoq issittormiuuvoq, Avannaani Tunullu avannaani ivigalinni uumasuulluni.
Ilisarnaatai
Angutiviaq qasertoq qaamasoq qillerluni tungujuartuuvoq. Arnaviaq kajuartuuvoq. Sulummi ataasigut milaqarpoq.
Nerisai
Pakkalussat tungujortut inersimasut inuussutigaat naasut assigiinngitsut tungusunnitsui. Qullugiaata Kalaallit Nunaanni naasut sorliit inuussutigisarneraat ilisimaneqanngilaq. Qullugiaasa Amerikami Avannarlermi inuussutaasa ilagaat naasut Qunersut.
Paasissutissat
- Uumaffii: Sumi tamani
- Sului siaarlutik: 20-26 cm
- Takkusimasarfia: Juni-aggusti
Nalunngiliuk?
Pakkalussat tungujortut assigiinngitsukuutaat qullugiaat uniaaluillu immikkorluinnaq ittumik atassuteqaqatigiipput. Uniaaluit nerisarpaat pakkalussat qullugiaasa anaat tungusunnitsut, pakkalussallu taakku qullugiaasa nerisarlugit uniaaluit qullugiaat.