Palugaq qasertoq
Qallunaatut atia: Blågrå jordugle
Latiinerisut atia: Eurois occulta
Tuluttut atia: Great Brocade
Sorlernut ilaava: Sullinernut
Uumasoqatai: Pakkalussat
Ilaqutai: Palukkakkut
Palugaq qasertoq Kalaallit Nunaata kujataani kitaanilu avannamut Kangerlussuaq tikillugu nalinginnaavoq.
Ilisarnaatai
Palukkat sulliniupput unnuarsiortut suangasuut kiataat nerinnartut naatsukullannik sulullit. Ilisarnaatigaat sulummikkut marlunnik milaqaramik. Palukkat qasertut sului siorliit qaserujuttuupput allaqarlutik, sului tunorliit qaamanerullutik.
Nerisai
Qullugiaat naasunik assigiinngitsorpassuarnik nerisaqarput, soorlu avaalaqissanik orpikkanillu allanik pukkitsunik.
Paasissutissat
- Uumaffii: Sumi tamani
- Sului siaarlutik: 50-65 mm
- Takkusimasarfia: Juli-septembar
Nalunngiliuk?
Palukkat qasertut qullugiaat amerlasoorsuakkuutaarlutik takkusimasarput nuna sumorujussuaq naasuerussinnaallugu. Ilisimatuut ilaat isumaqarput qallunaatsiaat Kalaallit Nunaanni peerunnerannut palukkat qasertut pisooqataasimasinnaasut.