Sikannertooq sullinerniaq

Qallunaatut atia: Rovbille
Latiinerisut atia: Quedius fellmanni
Tuluttut atia: Rove Beetle
Sorlernut ilaava: Sullinernut
Uumasoqatai: Sikannertuut
Ilaqutai: Sikannertuut sullinerniat

Kalaallit Nunaanni sikannertuut sullinerniat assigiinngitsut arlalissuupput, angissusii 1,5 mm-iniit 10 mm-usarlutik. Siumugassaasarput sivinganerni saqqartaniittuni naggorissuni, paarnaqutaannalinni, ivigalinni, orpigaqarfinni, masarsunni, issumi tatsillu sinaanni.

Ilisarnaatai
Sikannertuut sullinerniat sului qalliit naatsuupput, eqqumikkut ersitsunik arlalinnik avinniisaqarlutik. Suluisa qalliit ataanniittut sului peqingagajupput. Sikannertuut sullinerniat assigiinngitsut amerlanersaat timmisinnaasorinanngikkaluarlutik timmisinnaapput.

Nerisai
Kiisortuupput. Assigiinngitsulli amerlanersaat sunilluunniit nerisaqartarput.