Sikannertuusaq

Qallunaatut atia: Grønlandsk frøtæge
Latiinerisut atia: Nysius groenlandicus
Tuluttut atia: Arctic-alpine Seed Bug
Sorlernut ilaava: Sullerngit
Uumasoqatai: Næbmunde
Ilaqutai: Sikannertuusat

Kalaallit Nunaanni sikannertuusat sumi tamani siumugassaapput, pingaartumik nunap timaani panertuni. Kalaallit Nunata avannaani qaqutigoortuupput.

Ilisarnaatai
Sikannertuusat timaat suluilu saattukujuujupput, uninngatillugit timaata qaavanut miluusimasarlutik. Sului siorliit avinneqarput ameraasamik mattusuumik aamma ameraasamik akia ersitsumik inngigissumik. Sului tunorliit aamma ameraasaapput.

Nerisai
Naasussanik nerisaqarput. Naasussat puui manngertorujussuarnut allaat sorluusanik milluaatiminnik putusinnaavaat. Naasussat milluiaatikkoortut enzyminit arrortinneqartarput, naasussat iluaniittut sullulikkut allakkut milluarneqartarlutik.

Døgnflue - Baetis macani - Mayfly
Paasissutissat
  • Uumaffii: Sumi tamani
  • Takissusia: 4 mm
  • Sului siaarlutik: 8 mm
  • Nuliusarpoq: aggustikkunni
  • Mannii: Ukiisarput
  • Arnaviaq uumasarpoq: Qaammatit marlussuit
  • Ukioq ataaseq uumasarput
Nalunngiliuk?
Arnavissat mikisunnguupput aappaluttunik eqqullit. Aasalernerani tukertarput aasap ingerlanerani arnavissatut tallimariarlutik ineriartortarlutik. Sikannertuusat inersimasut aggustimi saqqummertarput. Nuliusarput, mannilioriarlutillu ukiuleraangat toqusarlutik. Mannii ukiisarput.