Tarsialukaaq

Qallunaatut atia: Hvirvler
Latiinerisut atia: Gyrinus opacus
Tuluttut atia: Whirlgig Beetle
Sorlernut ilaava: Sullinernut
Uumasoqatai: Sikannertuut
Ilaqutai: Tarsialukaat

Kalaallit Nunaanni tarsialukaaqatigiit ataasiinnaapput. Kalaallit Nunaata Kitaata Kujataani taseqqani naasoqarluartuni tatsinilu nalinginnaapput.

Ilisarnaatai
Tarsialukaat tassaapput sikannertuut mikisunnguit amitsukujuut ulamertut, meqqulinnik maluginiutillit. Iseqarput marloqiusanik, immap qaavani iluanilu takunnissinnaallutik. Sikannertuut qillertuupput qernarissut imaluunniit saviminertut tungujortut, sulummikkut toornillit. Tarsialukaat ilisarnaatigaat immap qaavani kaajalukaartaramik. Qullugiaat amitsukujuujupput eqqumikkut 15 mm-sut takitigisunik masiisaqarlutik.

Nerisai
Inersimasut qullugiaallu kiisortuupput, sullinernik allanik uumasuaqqanillu nerisaqarlutik, pingaartumik eqisaavanik.