Tuttuusaq

Qallunaatut atia: Arktisk stankelben
Latiinerisut atia: Tipula arctica
Tuluttut atia: Crane Fly
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Niutuut

Niutuut Kalaallit Nunaanni tamarmi nalinginnaapput. Avannarpasissumiittulli kujasissumiittuniit minnerupput.

Ilisarnaatai
Takisuunik amitsunik nioqarput, amitsumik timeqarlutik marlunnik suloqarlutik, sakissamik tunuatigut V-tut ilusilimmik avinniisaqarlutik. Arnavissap eqqui inngigissuugamik nunap iluani manniliornissamut piukkunnartuupput. Akeqqaminnit saassunneqaraangata niuisa takisuut amitsut arlaat napisarpoq.

Nerisai
Niutuut inersimasut naasut tungusunnitsuinik inuussuteqarput. Quperluisa inuussutigaat ivikkat sorlaat imaluunniit naasut nunap iluaniittortaat asiunikut.