Ukiup ippernaa
Qallunaatut atia: Vintermyg
Latiinerisut atia: Trichocera borealis
Tuluttut atia: Winter Crane Fly
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Ukiup ippernai
Ukiup ippernai assigiinngitsut sisamat Kalaallit Nunaanni siumugaanikuupput. Nalinginnaapput sumiluunniit siumugassaallutik. Ukiuunerani amerlasoorsuakkuutaarlutik takkusimasarput. Qullugiaat nunap iluani isugutasumi uumasarput.
Ilisarnaatai
Ukiup ippernai takisuunik amitsunik niullit, tuattumik timillit sakissamillu tunuatigut V-tut ilusilimmik avinniisallit niutuumut eqqaanarput. Niuili napiavallaanngillat. Sului akimut ersitsuupput.
Nerisai
Aammik milluaasuunngillat, inersimasuunerminnilu nerissanatik. Qullugiaasa naasut asiunikui nerisarpaat.
Paasissutissat
- Uumaffii: Sumi tamani
- Takissusia: 3-10 mm
- Sului siaarlutik: 15-22 mm
- Takkusimaartarfia: Oktobari-marsi
Nalunngiliuk?
Pingaartumik angutivissat arnavissanik ussassaarillutik amerlasuukkuutaarlutik timmioraartarput. Arnavissamik qanillisoqaraangat angutivissap ataatsip arlallilluunniit ilani qimallugit arnaviaq nuliuffiginiartarpaa.