Ukiup pakkalugaa

Qallunaatut atia: Grønlandsk vintermåler
Latiinerisut atia: Operophthera bruceata
Tuluttut atia: Winter Moth
Sorlernut ilaava: Sullinernut
Uumasoqatai: Pakkalussat
Ilaqutai: Pakkalussat (Målere)

Målerit pakkalugaapput mikisuaqqat akunnattulluunniit amitsukujuumik timillit, anngajaanik sulullit. Ukiup pakkalugai Kalaallit Nunaata Kitaata kujataani avannamut Disko-Bugt tikillugu uumasuupput.

Ilisarnaatai
Ukiup pakkalugaa arnaviaq angutivissamiit nerinnarnerusumik timeqarpoq. Arnaviarli suloqannginnami mikisuaraaqqanilluunniit suloqarami timmisinnaanngilaq. Angutiviaq kajortunik sungarpaluttunik suloqarpoq, sului siaarlutik 25 mm missiliorlugit. Qullugiaa takkajaajuvoq qorsuunngikkuni qernertuulluni.

Nerisai
Qullugiaat uumasuupput orpikkani avaalaqiakuluunilu. Ukiup pakkalugaasa amerlasuujutillutik avaalaqissat orpikkalluunniit pilutaarutivissinnaasarpaat.