Unnaalik

Qallunaatut atia: Kvægmyg
Latiinerisut atia: Simulium vittatum
Tuluttut atia: Black Fly
Sorlernut ilaava: Sullinernut
Uumasoqatai: Marlunnik sulullit (Tovinger)
Ilaqutai: Unnaallit

Kamisaleeqqat/Unnaallit Kalaallit Nunaata kujataani kitaanilu avannamut Upernavik tikillugu nalinginnaapput. Unnaallit nappaatinik navianartunik siaruarterisinnaapput, allaat nersutaatinik toqutsisinnaallutik.

Ilisarnaatai
Mikisuaraapput, ippernanut niviugaasanut eqqaanarlutik, silittunik suloqarlutik, naatsunik maluginiuteqarlutik angisuunillu iseqarlutik. Qanerminnik naatsumik kapisillutillu/kiisillutillu aammik milluaasarput.

Nerisai
Arnavissat inersimasut kisimik nersutaatit, hiistit inuillu aavinik milluaasarput. Nulioreeraangamik angutiviq toqusarpoq. Unnaallit isit siutillu eqqaanni ameq qituttoq saattoq aammik milluaavigisarpaat. Qullugiaasa inuussutigaat bakterissat meqquminnik qeratasuunik imermiit milluartakkatik.