Uumanikitsoq

Qallunaatut atia: Døgnflue
Latiinerisut atia: Baetis macani
Tuluttut atia: Mayfly
Sorlernut ilaava: Sullinernut
Uumasoqatai: Uumanikitsut
Ilaqutai: Baetidae

Kalaallit Nunaanni uumanikitsut pissuseqatigiit ataasiinnaapput, Kalaallit Nunaata kujataani aamma Kitaani avannamullu Upernavik tikillugu uumasuullutik. Uumanikitsut inersimasut nalunaaquttap akunnialuinnannguiniit sapaatit akunnerat tikillugu taamaallaat uumasarput. Arnavissat uumasarput kuunni tatsinilu.

Ilisarnaatai
Uumanikitsut takisuukujuupput mikisunnguanik maluginiuteqarlutik, sului kingulliit mikisuinnaapput, eqqumikkut marlunnik takisuunik pituutaasaqarlutik. Arnavissat suloqanngillat eqqumikkut illugiinnik arfineq marlunnik saattukujuunik masiusaqarlutik.

Nerisai
Uumanikitsut inersimasut atorsinnaasumik qaneqannginnamik nerisanngillat. Arnavissat nerisaraat erngup naasui naasumerngillu, ilaasa aamma uumasuaraaqqat.